कोशीका पूर्वमुख्यमन्त्री थापामाथि आक्रमण

६ माघ, विराटनगर।

कोशी प्रदेशका पूर्वमुख्यमन्त्री उद्धव थापमाथि भौतिक आक्रमण भएको छ । नेपाली कांग्रेस कोशी प्रदेश संसदीय दलका नेतासमेत रहेका थापाउपर झापामा आक्रमण भएको हो ।

नेपाल प्रेस युनियन झापाले दोमुखामा आयोजना गरेको वार्षिक साधारण सभाबाट फर्किँदै गर्दा कनकाई नगरपालिकाको जुकेखाडीनजिक उनीमाथि आक्रमण भएको उनीनिकट स्रोतले जनाएको छ ।

थापा सवार बा १ झ ६५३ नं को गाडीमाथि बा १ ज १८७० मा सवार एक समूहले आक्रमण गरेको प्रारम्भिक जानकारी छ । आक्रमणमा परी थापा घाइते भएका छन् ।

थापाको आँखा सुन्निएको छ । उनलाई आवश्यक उपचारका लागि बिर्तासिटी अस्पतालमा भर्ना गरिएको छ ।

हालसम्म प्राप्त जानकारीअनुसार विद्युत प्राधिकरणका कर्मचारी सवार गाडीलाई थापा चढेको गाडीले ओभरटेक गर्ने क्रममा विवाद भएको थियो । जसक्रममा थापामाथि कुटपिट भएको हो । प्रहरी स्रोतका अनुसार कुटपिट गर्ने केही व्यक्तिलाई पक्राउ गरिएको छ ।