अन्ततः गाजा प्यालेस्टाइन युद्धविराम

६ माघ, काठमाडौं।

अन्ततः लामो युद्धपछि हाल गाजा र प्यालेस्टाइनबीचको युद्ध रोकिएको छ । पाँच दिनअघि अर्थात् १५ जनवरी २०२५ मा कतार, अमेरिका र इजिप्टको प्रयासमा इजरायल र प्यालेस्टाइनबीच युद्धविराम सम्झौता भएको थियो ।

उक्त सम्झौता आइतबार बिहानबाट लागू हुने भनिए पनि हमासले मुक्त हुने बन्दीहरुको सूची सार्वजनिक नगर्दा केही ढिलो सुरु भएको बताइएको छ । इजरायली प्रधानमन्त्री बेन्जामिन नेतान्याहुको कार्यालयले युद्धबिराम सम्झौता कार्यान्वयन सुरु भएको जानकारी दिएको छ ।

युद्धबिराम सम्झौता लागू भएसँगै १५ महिनापछि जारी युद्ध अन्त्य भएको छ । सम्झौताअनुसार हमासले ३३ युद्धबन्दीको रिहाइ गर्ने सूची इजरायललाई बुझाएको छ भने इजरायलले १९ सय प्यालिस्टिनी बन्दी र कैदीहरू रिहा गर्ने भएको छ । सूचीमा रहेका ३३ मध्ये तीन युद्धबन्दी आइतबार नै रिहा गरिने हमासले जनाएको छ । (एजेन्सी)