सन् २०२४ मा पृथ्वीको सतहको तापक्रम सबैभन्दा उच्च

२ माघ, काठमाडौं।

सन् २०२४ मा पृथ्वी सबैभन्दा तातो रहेको देखिएको छ । नासाका वैज्ञानिकहरूको नेतृत्वमा गरिएको विश्लेषणले गत वर्ष पृथ्वीको सतहको औसत तापक्रम कीर्तिमानी रहेको देखिएको हो ।

सन् २०२४ मा विश्वव्यापी तापमान २०औँ शताब्दीको आधारभूत रेखा (सन् १९५१–१९८०) भन्दा १.२८ डिग्री सेल्सियसभन्दा माथि रहेको थियो । नासाका प्रशासक बिल नेल्सनले भने फेरि पनि तापक्रमको रेकर्ड तोडिएको बताए । उनले भने, ‘सन् १८८० मा रेकर्ड राख्ने काम सुरु भएदेखि सन् २०२४ सबैभन्दा तातो वर्ष रहेको देखिएको छ ।’

वैज्ञानिकहरूले हालैका दशकमा तापक्रम वृद्धिको लागि कार्बनडाइअक्साइड, मिथेन र अन्य हरितगृह ग्यासहरूलाई दोष दिन्छन्। हालैको अन्तर्राष्ट्रिय विश्लेषणका अनुसार सन् २०२२ र सन् २०२३ मा पृथ्वीले जीवाश्म इन्धनबाट कार्बनडाइअक्साइड उत्सर्जनमा कीर्तिमानी वृद्धि देखिएको थियो । वायुमण्डलमा कार्बनडाइअक्साइडको एकाग्रता बढेर आज लगभग ४२० भाग प्रतिमिलियनमा पुगेको छ।