धनुषा धनौजीमा ३ बालिकाको डुबेर मृत्यु

२० असार, धनुषाको धनौजी गाउँपालिका-५ बउहरवाको एक सार्वजनिक पोखरीमा डुबेर ३ बालिकाको मृत्यु भएको छ। बालिकाहरु को उमेर १० देखि १२ सम्म अनुमानित गरिएका छन् ।

धनुषाका प्रहरी प्रवक्ता डिएसपी रंजन अवाले दिएको जानकारी अनुसार मृत्यु हुनेमा मुस्कान, जितन, र अज्मेरी खातुन रहेको बताएका छन् ।

वडा अध्यक्ष याकुब कवारीका अनुसार अजमेरी र जिनत दाजुभाइका छोरीहरु हुन् भने मुस्कान उनीहरुका छिमेक अब्दुल खानकी छोरी हुन्।

स्थानीय घोंघा पोखरीमा चारजना बालिका नुहाउन हामफालेपछि तीनजनालाई डुबेको देखेपछि किनारमा रहेकी अर्की एक बालिकाले स्थानीयलाई खबर गरेकी थिइन् । स्थानीय एक युवाले तत्कालै हामफालेर सिकिस्त अवस्थामा बालिकाहरुको उद्धार गरि तत्कालै उपचारका लागि जनकपुर प्रादेशिक अस्पताल लगिएको थियो ।

प्रहरीका अनुसार एक जनाको अस्पताल लैजाँदै गर्दा र बाँकी दुई जनाको उपचारका क्रममा मृत्यु भएको हो।

शव पोस्टमार्टमको लागि प्रादेशिक अस्पताल जनकपुरमा राखिएको छ। घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जानकारी दिएको छ ।

स्थानीयको भनाइ अनुसार पोखरीमा पानी को सतह बढेको र बालिकाहरु लाई पानीको गहिराई को अन्दाज नहुदा ज्यान गुमाउनु परेको बताएका छन्।